Dagur 1
Efni í einingahús, komið á byggingarstað í þremur 40 feta gámum. Veggjaeiningarnar eru tilbúnar til uppsetningar og sperrurnar eru tilbúnar verksmiðjuframleiddar. Teikningar eru gerðar fyrir hverja sperru í húsinu. Sperrurnar eru fyrirfram númeraðar frá verksmiðju og einnig útveggir og innveggir. Þannig liggur ljóst fyrir hvar nákvæmlega á að staðsetja einstaka byggingarhluta hússins samkvæmt ítarlegri samsetningarteikningu frá framleiðanda.

Dagur 3
Útveggir eru komnir á áður steypta sökkla og tryggilega festir. Útveggir koma tilbúnir í einingum samsettir úr, grind 140mm (2x6”), krossvið, einangrun, vatns- og vindvörn og lektum. Á milli stoða í burðarvirkinu er millibilið 406 mm í “miðja/miðja”, sem er efnismeira en íslensku byggingareglugerðin segir til um. Húsið hvílir á gagnvarðri 140 mm láréttri grunnstoð “reim” sem boltuð er niður í sökkulinn áður en veggjaeiningar eru festar. Skv íslenskum kröfum má bil á milli burðarstoða vera 600 mm (60 cm). Það má því fullyrða að kanadísku staðlarnir hvað varðar efnismagn timburs í húsunum fer langt yfir íslensk viðmiðunarmörk

Dagur 7 - ein vika
Búið er að reisa húsið og koma fyrir burðarsperrum. Burðarsperrurnar eru ásettar með léttum krana. Krani er leigður hluta úr degi til að koma sperrum fyrir. Sperrur eru síðan festar samkvæmt íslenskum kröfum um vinkla, festingar og neglingu. Festingar og frágangur þeirra eru teiknaðar af íslenskum verkfræðingi hússins og þola vindálag m.v íslenskar aðstæður

Dagur 30 - fjórða vika
Frágangi á þaki lokið. Byrjað er að klæða húsið að utan með NOVA BRIK hleðslusteinsklæðningu. Klæðning að utan með Nova Brik og frágangur tekur um eina viku miðað við þrjá menn. Fjöldi annarra klæðninga er í boði. Gluggar og útihurðar ásamt bílskúrshurð eru frágengnar. Bílskúrshurð kemur með fjarstýringu og rafknúinni vindu af bestu gerð. Þakið er klætt með asfalt þakskífum frá Kanada. Færst hefur í vöxt að kaupendur velji t.d. stallastál, en það fer einnig mjög vel við stíl húsanna. Stallastál er þá keypt á innlendum markaði

Dagur 37 - fimmta vika
Frágangi að mestu lokið að utan. Hafist er handa við að gifsklæða veggi að innan og ganga frá raflögnum og pípulögnum. Lektur fyrir raflagnir fylgja með í stöðluðum efniskaupum. Raflagnir eru hannaðar miðað við íslenskar kröfur af raflagnahönnuði og getur húsbyggjandi verið með í ráðum varðandi allar raflagnir og ljósleiðarakerfi í samráði við raflagnahönnuð hússins